Aningaasaqarnikkut pissutsit ineriartornerat
Naatsorsueqqissaartarfik qaammatikkaartunik qaammatillu pingasukkaartunik naatsorsuutinik, aningaasaqarnikkut ineriartornermi ilaatigut uuttuutitut atorneqarsinnaasunik, saqqummiisarpoq. Aningaasaqarnerup ineriartorneranut uuttuutitut atorneqartut tassaapput; takornariaqarnikkut kisitsisitigut paasissutissat, nunanik allanik niueqateqarneq, suliffissarsiortut pillugit kisitsisitigut paasissutissat aamma aalisarneq pillugu kisitsisitigut paasissutissat.
Kisitsisaataasivimmut ilanngunneqarsimasut aningaasaqarnermi pissutsinut uuttuutitut atorneqartut Naatsorsueqqissaartarfimmit amerlineqarput. Tabelimi ataaniittumi kvartalit aappaani 2015-imi kisitsisit ilanngunneqarput, kisitsisaataasivimmi kisitsisit kvartalit aappaani 2015-imi aamma ilanngunneqarput.
Tabeli 1. Kisitsisit tunngaviusut
Nassuiaat: 1) Atugassanik nioqquteqarnikkut kaaviiaartitat nassiussallu annertussusaat ukiup ilaagut naqqinneqartalerput, procentillu allannguutaa ukiup ilaagut naqqiinerit kisitsisaat kvartalimut siuliinut naleqqiullugit naatsorsugaapput. 2) Aningaaserivinnit atortitsinerit aningaaserivimmiititaqarnerillu taamatullu obligationitigut akiitsut sinneri procentitigut allannguutaat kvartalimut siulianut naatsorsugaapput. 3) Kvartalip aappaani 2015-imi obligationitigut akiitsut sinneri suli naatsorsorneqanngillat, kisitsisaataasivik amigaataasunik ilisiffigineqassaaq, amigaataasut pigineqalerpata.
Najoqqutaq: http:// bank.stat.gl/database/Grønland/Konjunktur/Konjunktur.asp
4. kvartalimi 2014-imi nunatta karsiata akiliisinnaassuseqarnera iluarsineqarpoq, aningaasat amerlassusaat 91,2 mio. koruuninik iluarsisoqarput, tamanna aaqqiinerulluni nunatta karsiata 2014-imi naatsorsuuta naapertorlugu.
Kisitsisaataasivik
Tabelimi qulaani kisitsisit takutinneqartut Naatsorsueqqissaartarfiup kisitsisaataasiviani qimerloorneqarsinnaapput. Aningaasaqarnermut uuttuutit aamma periutsit nittartakkami www.stat.gl-imi saqqummersitat; 2014-imi 4. kvartalimi aningaasaqarnikkut pissutsit, pissarsiarineqarsinnaavoq. Paasissutissanik annertunerusumik pisariaqartitsisoqassappat Anders Blaabjerg oqarasuaatikkut toqqaannartukkut 34 57 81 saaffigineqarsinnaavoq.